| update later ....... <<-----呢句足足post左成個月咁滯,post到po塵先至的起心肝寫,再唔寫我怕第時會唔記得晒lu...! 先寫泰國trip前一個月...... 2.2.2008 (Sat) 老公2X牛一 第一站係CWB Time Square , 因為呢個冬天凍左好耐 , 所以好想陪老b買對手襪 , 點知睇左勁耐都睇唔arm , 又要落大雨走唔到 ....搞到又要吵返場勁既先收科(我都唔會點解一齊左咁耐,我地都仲可以咁好火,真難得 )搞左一大輪,終於成7點鐘先係金鐘出發去我地既目的地...今晚既餐廳,老公好滿意 Bubba Gump(唉...總算做返件好事)呢間餐廳既裝修係好Classic America個種 , 有少許vintage , 周圍既擺設都好特別..仲有淨係食個view都飽左一半啦 , 天氣好好,一d霧都無, 所以夜景特別靚~好感動呢* 不過我地都order左6樣野: 凱撒沙律伴周打蜆湯 , 烤豬仔骨&烤雞 , 蒜蓉飽 , Berry's smoothie , Mama's favourite , 最後order 左一件Lemon cheesecake 同birthday song 俾老公 , 超豐富&開心!!     
之後我地去左睇夜景 , 得6℃既氣溫下睇夜景係特別浪漫&好玩既 , 一行出去就好似急凍咁, 超搞笑...仲有第一次同老公搭纜車 , YEAH!!! 今年老公既生日gift : 情侶手錶 14.2.2008 (Thur) 同老公放左個好快樂既新年假 , 由初四到今日初八都黏在一起 , 好幸福唷~~ 我地好趕咁決定食飯既地點 , 最後決定食日本菜...今日老公仍然放緊新年假,但我就開工啦~老公返完屋企就黎搵我食lunch之後就走左啦~~放工既時候老公就帶埋個cova chocolate cake黎接我放工,然後出發啦~~~   呢餐好豐富, 有壽司、天婦羅、蟹子沙律、清酒煮蜆、海膽炒飯、煎三文魚、網燒牛扒、雪糕 .          食完飯我地行左去o個個砌左蠟燭既沙灘,好靚呢~~~不過係好凍囉,要浪漫真係唔係咁易~我地望住個咁靚既沙灘切cake , 特別sweet~~送埋禮物 , 今年既情人節就完滿結束
29.2.2008 (Fri) 黑仔既事又再發生啦 , 今日公司正式宣布倒閉 。 用句號都好正常啦 ! Bye-bye~*
10.3.2008 (Mon) Lemonbaby 係 uk 返黎 , 我地就齊齊出去同佢洗塵~今晚有主角lemon , 之後有咖哩啡 :我、gorgor、貝貝, ck ~~好耐無見啦!! 不過仲欠阿red 同kristy ~呢個永遠都係最夾最窩心既組合!! 重慶咖哩 & PP club night     I All My Friends !! 13.3.2008 (Thur) 失業的第13天. 去了看『潮』香港時裝設計展 。 鄧達智先生「九龍皇帝十年回顧」系列是當中最吸引我的 , 布料太有趣了吧~可以偷偷摸一下都滿足了*雖然他不是我最喜愛的香港設計師 , 不過這個系列確令我驚喜!還看到已經離開了的開心果--肥姐 的兩件晚裝 , 第一個感覺是很可愛哦 , 只是穿在dummy上也能感受到她的魅力 . 永遠懷念香港人的瑰寶-沈殿霞小姐 .      ********Thailand Trip 18-23/3/2008******** Day 1 ......18.3.08(Tue) HK->Bangkok hotel->Phrom Phong 9:05am 機 , 我6:45am先去到TY 機鐵站, 趕到luck肺(因為我實在太驚太驚會帶漏野,尤其係passport)不過住係TY 個位人兄仲要遲過我 , 服!! 8am去到機場拿拿聲攪左登機證先 , 嘩~已經大排長龍 , 勁咬底~~好彩CP既效率都高 , 所以都準時搞掂..之後早餐都無時間食就check-in 左先(好在mama 打黎提一提我) , 因為我登機既閘口果然係好遠 , 遠到係要搭車去個隻 (呢隻車勁funny, 全企位 , 好似架機鐵俾人拆晒d咁)依次經驗話我知, 自由行最大既唔好就係無導遊同你搞呢d野 , 你係唔會好似d太太們可以慢慢係機場遊離;除非你真係晨咁早去到airport...去到離境5 仲要行老遠先到 , 唔使點等都上得機lu....呢刻心情好緊張 , 要出發啦!!     當地時間11am到步 , 唔使12nn 就可以離開機場,比我預期早(因為泰國入境處比較hea..我覺得) , 但係搞搭車出市區搞左好耐,同大陸一樣咁鐘意兜客&講價,最後用左500thb ,後來我發現依然係貴左既....唯有安慰自己話佢地曬住好辛苦,呢d錢係要俾人賺既~~~~~呢架的士仲係要步行去機場對面既停車場上車既 . 唔夠兩點到酒店 , 呢間酒店舊年新落成 , 所以係好新淨 ....而且泰國d 新建築物一向都內外兼備,所以一個字 "正"! cHECK-IN 左之後等上房仲有杯welcome drink送 , 可以去lounge度lounge 下啦~~今日有32以上既高溫 , 好在今日無化妝就唔怕溶左個樣啦   上到房實在係忍唔住要攤屍 , 出面太熱 , 酒店太舒服啦...最surprise係有包生果送 , 不過我地每日都太忙,最後係雪壞左 , 我只係食左隻蕉* 呢個房最大既特色係個toilet係4通8達既 , 不論係衣櫃 , 廁所正門還是床隔離既屏風都可以打開行入去 , 比起全落地玻璃個d 金魚缸式toilet 既設計,我覺得呢個更creative更詭異 ~ 老b親身示範 (↓↓↓由廁所入面影向衣櫃既)，呢個陪左我4晚既toilet有shower亦有bath , 好開心哦*     ----------------->係咪呢~連電話都靚過人架~
 ----------->每日上網同mami chat 既壇(電腦自備)
 ----------->傳說中既welcome fruit , 用新鮮荷葉包住, 後來我地懷疑塊葉唔知係咪係樓下摘既呢?!  -->酒店房outside view , 係好靚既魚池 , 曬太陽一流!
因為係酒店浪費左太多時間 , 原定既plan 只做到一半.....不過我地一致認為要去呢間朱古力店 , 每人HKD40都唔使就可以high tea , 感覺實在太棒啦~~~~~連飲既朱古力都相當good 呀 ! High tea 架上有四份mini sandwiches , 兩件甜到漏brownies , 兩件提子muffins , 四件mini waffles , 兩件 fruit tarts , 六粒 truffles , 大滿足 !! 因為已經傍晚6點幾 , 我唸人地一定會覺得我地好怪 , 點解呢個時侯仲食tea 呢?! 不過我地係好識得自我陶醉既~~  <-買ing地鐵飛   High 完就去幫人買野 , 之後就去左間日本人開既spa , 好多HKs幫襯的~~我同老b一齊揀左120mins thai spa and herbal ball , 超級推介~好有誠意+好好手勢,連唔做spa既老b都回味無窮就知正啦!不過唔俾影相,做spa換個套衫超爆 , 我地好似越南人咁款 , 仲要oversize ~ 做完spa都9點幾,想去原先plan個間餐廳,點知連地圖大王都搵唔到,我地個肚又夾晒band咁,唯有行返轉頭揀間街邊檔食啦~一場黎到,反正我唸住帶左喇叭牌,唔驚掛?!!!~  圍返都係HKD 9 一碟既碟頭飯( 前: 鹵水豬肉飯 / 後: 手撕雞飯) Day 2 ......19.3.08(Wed) Bangkok hotel->Pattaya 8:30am起身 , 遲左1hr...再執埋野就落樓下食豐富既早餐, 真係十分之喜歡早餐有buffet食 , 超多選擇 , d朱古力奶仲要夠晒凍,仲要比起香港個d所謂特濃既更濃朱古力味*食完就搭車去Pattaya....我地既路線係先到Mo Chit然後轉terminal , 本來以為好簡單 , 但原來旅遊書係唔能夠盡信...幅地圖好似講到係地鐵站附近咁,完全唔係囉!!!我地已經好醒咁問左地鐵站d staff, 至少佢地會識多d英文 , 但原來泰國既巴士係好難搭架, 根本唔知d站做咩 , 我地死望住77號巴士 , 都唔知個站係邊...周圍問人,d人又唔多識英文,又熱又曬,正想放棄 , 點知俾我地見到77 , 立即衝上去 , 上到去巴士先問下係邊度落 ( 呢下係好考你既body langauge同想像力既)原來o個個巴士站係需要搭幾個字巴士先到既,真係一額汗!!呢度d短程巴士係半木製單層無冷氣 , 不過一d都唔熱既~   
去到巴士總站, 我地繼續係問問問 , 終於都買到飛去Pattaya 啦 , 太感動啦~~下面呢張係往Pattaya既車票 ~長途既巴士係有冷氣既 , 有d似返大陸既直通巴 , 車程約2小時....成程車都好好訓 , 尤其係老b.  去到Pattaya係2pm , 我地搭tuk-tuk去beach road , 今日天氣勁勁勁sunny , Good 呀!不枉我地咁辛苦搵你呀~芭提雅 我地都獻出自己既first time , 就係水上電單車 , 玩半個鐘都係百零蚊港錢 , 邊到搵呀 ?!仲有係沙灘乾曬咁悶,最好就係有三寶(聽歌+睇書+飲椰青),再搵個姨姨修下甲同massage, won~derful!!     玩到6點幾就走lu , 去左隔離個shopping mall 行街 , 跟住係個shopping mall入面既food court食埋晚飯 , food court 係全海景既 , 有好多唔同國家既野食而且好舒服 , 最大既特色係拎住張類似八達通既pre-paid card就可以買野食 , 食完先計數~食完就去趕車返市區啦~ Day 3 ......20.3.08(Thur) Chit Lom 今日好晏起身先趕落去食早餐 , 之後再hea到中午先出去 , 因為琴日玩到個人都散 第一站係出去chit lom 唸住食個豐富既french lunch , 點知................本書又昆我 , 原來要6pm先開門既(一日做幾個鐘生意圍到皮既咩 )咁唯有轉去Central World Plaza 行 , 呢個係新落成又鄰近地鐵站既大型shopping mall , 賣既野一d都唔平 , 全部都係有品牌;我地既target係掃平野,所以都唔敢亂買野. 當涼下冷氣同欣賞下人地商場d interior 都唔錯 , 起碼靚過香港d shopping mall 好多 !!Boutique既門口都有心思過人~~不過有樣野o係泰國係好抵既 , 就係食雪糕 , 呢度d gelato大size既都係賣HKD25一杯 , 仲有3種味揀!!        之後去Big C 掃貨 ~Big C 簡直係HK C奶既天堂 , 所有野都大大件*我同老b都好瘋狂 , total 有7袋戰利品!! 買完就去C'est Bon 食呢餐期待以久既"法國九道菜"啦~三日以黎第一餐係跟返原定個plan 啦 ^^但係發生左件好爆既事 , 笑到碌地!! 因為原來呢間係5星餐廳 , 又原來Big C 係等於香港既Park'n shop, 入到去d人都著得grand grand 地(最初) , 但我地就大包細包, d waitress 幫我地拎野既時候 ,再pro都忍唔住笑啦 , 到呢~不過我地依然會自我安慰 "我地係tourists 丫麻" ....好彩無幾耐有班十幾人既港璨家庭高談闊論 , 打救左我地....是日餐廳好多香港s ,搞到成間餐廳都勁吵....唉..香港人真失禮! 本來好想影低d咁別致既食物 , 不過已經夠失禮啦~放棄左 但係講到食,我就最叻架啦~唔影都可以用個心記低佢姐~~ 頭盤: (1)黑芝麻煙吞拿魚沙律 (2)黑醋汁煎鵝肝 /餐湯: (3)南瓜帶子湯/忌廉龍蝦湯 /前菜: (4) 白酒蒜蓉煮蜆/凱撒沙律 (5) 紅莓雪巴 /主菜: (6)炭烤牛/羊仔架 /(7)紅椒煮白汁意大利麵 /甜品: (8)無花果汁焗朱古力心太軟伴雲呢拿雪糕 /餐飲: (9) 熱茶伴曲奇 食完本來唸住去行夜市 , 點知我地都係出門口唔記得拎錢又拎住勁多袋野 , 算lu~都係早d返去沖個泡泡浴吧~* Day 4 ......21.3.08(Fri) Siam -> Nana -> Lumphini Market 今日第4day啦 , 所以一定要玩盡佢!!!!第一站係Siam , 個feel 類似cwb咁啦~3個shopping mall 連住係地鐵站附近 , 勁好行 !! 我地先去Siam Paragon, 但完全無野行 , 因為乜都貴 , not our target , 涼下冷氣就走啦~門口仲見到有人肉廣告~~haha!!!!   之後去Siam Center ,全部都係有brand 既 , 想睇converse (話晒專門店) , 點知同香港差唔多價錢仲要唔齊款....去埋Siam Discovery Center 行Loft , 好多野買呀 , 雖然唔係好平不過好多得意野 , 係呢度買左好多~最後就去我地既目的地泰版竹下通Siam Center 啦 , 呢度好多平野呀 , 衫褲tee鞋襪 , 如果唔係要留返d 彈藥俾今晚個夜市 , 一定係更瘋狂的~~wahaha!!!!跟住搭地鐵出發去Nana 嚕!!  去Nana 目的梗係clubbing , 雖然得兩條友,但我地一定要去呢間出晒名既disco.咪眨眼啦~實在太靚吧!!不過d vodka就難飲d~      去完clubbing 就去做spa , 呢間野叫Hapa Spa .完全唔得呀 , 痛到我同老b 叫救命 , 完全貼錢買難受.之後即搭tuktuk去Lumphini 啦. 已經10點幾啦 , 出左去成日 ,雖然又熱又累 ,但係一定要珍惜埋最後一晚 .夜市雖然無冷氣 , 但係我地行得超開心 , 因為係依度買野一d都唔肉痛架~最值得推介係呢個由St.Martins 返黎既artist , 佢賣既所有野都係得一件 , 仲可以即刻order佢做一件獨一無二既product~佢勁nice , 好好傾既老闆~真羨慕佢可以有一份係自己興趣既工作*最後我地行到1am 先返酒店!累爆!   Day 5 ......22.3.08(Sat) Hotel -> Airport 今日本來可以去chatukchak 行架, 因為好難得撞arm 星期六架ma , 不過已經用晒所有精力 , 所以決定放棄...食完個早餐就返上房再訓過, 之後extend check out 既時間就去酒店游水 , 住左咁多日都係第一次去ja....個泳池好得意既 , 係好似個伸左出黎既魚缸咁~今日依然係勁曬的~~~      之後仲抵死,我地滿心歡喜早左3個幾鐘出機場, 點知.......呢個係我同老b既秘密.總之咁就係曼谷賺多左個難忘晚上啦~~ Day 6 ......23.3.08(Sun) Airport->HongKong BKG 11:05am >> HKG 2:45pm Thailand Trip End ! |
